Psalms Chapter 88

1 intellectus Aethan Ezraitae eruditionis Aethan Ezraitae

2 misericordias Domini in aeternum cantabo in generationem et generationem adnuntiabo veritatem tuam in ore meo misericordias Domini in aeternum cantabo in generatione et generatione adnuntiabo veritatem tuam in ore meo

3 quoniam dixisti in aeternum misericordia aedificabitur in caelis praeparabitur veritas tua *in eis; quia dixisti sempiterna misericordia aedificabitur caelos fundabis et veritas tua in eis

4 disposui testamentum electis meis iuravi David servo meo percussi foedus cum electo meo iuravi David servo meo

5 usque in aeternum praeparabo semen tuum et aedificabo in generationem et generationem sedem tuam diapsalma usque in aeternum stabiliam semen tuum et aedificabo in generationem et generationem thronum tuum semper

6 confitebuntur caeli mirabilia tua Domine etenim veritatem tuam in ecclesia sanctorum confitebuntur caeli mirabilia tua Domine et veritatem tuam in ecclesia sanctorum

7 quoniam quis in nubibus aequabitur Domino similis erit Domino in filiis Dei quis enim in nubibus adaequabitur Domino adsimilabitur Domino de filiis Dei

8 Deus qui glorificatur in consilio sanctorum magnus et horrendus super omnes qui in circuitu eius sunt Deus inclitus in arcano sanctorum nimio et terribilis in cunctis qui circum eum sunt

9 Domine Deus virtutum quis similis tibi potens es Domine et veritas tua in circuitu tuo Domine Deus exercituum quis similis tui fortissime Domine et veritas tua in circuitu tuo

10 tu dominaris potestatis maris motum autem fluctuum eius tu mitigas tu dominaris superbiae maris et elationes gurgitum eius tu conprimis

11 tu humiliasti sicut vulneratum superbum in brachio virtutis tuae dispersisti inimicos tuos tu confregisti quasi vulneratum superbum in brachio forti tuo dispersisti inimicos tuos

12 tui sunt caeli et tua est terra orbem terrae et plenitudinem eius tu fundasti tui sunt caeli et tua est terra orbem et plenitudinem eius tu fundasti

13 aquilonem et mare tu creasti Thabor et Hermon in nomine tuo exultabunt aquilonem et dexteram tu creasti Thabor et Hermon nomen tuum laudabunt

14 tuum brachium cum potentia firmetur manus tua et exaltetur dextera tua tuum brachium cum fortitudine roboretur manus tua exaltetur dextera tua

15 iustitia et iudicium praeparatio sedis tuae misericordia et veritas praecedent faciem tuam iustitia et iudicium firmamentum throni tui misericordia et veritas praecedent faciem tuam

16 beatus populus qui scit iubilationem Domine in lumine vultus tui ambulabunt beatus populus qui novit iubilum Domine in lumine vultus tui ambulabunt

17 et in nomine tuo exultabunt tota die et in iustitia tua exaltabuntur in nomine tuo exultabunt tota die et in iustitia tua exaltabuntur

18 quoniam gloria virtutis eorum tu es et in beneplacito tuo exaltabitur cornu nostrum quia gloria fortitudinis eorum tu es et in misericordia tua elevabis cornu nostrum

19 quia Domini est adsumptio *nostra; et Sancti Israhel regis nostri quia a Domino est protectio nostra et a Sancto Israhel rege nostro

20 tunc locutus es in visione sanctis tuis et dixisti posui adiutorium in potentem exaltavi electum de plebe mea tunc locutus es per visionem sanctis tuis et dixisti posui adiutorium super robustum exaltavi electum de populo

21 inveni David servum meum in oleo sancto meo linui eum inveni David servum meum oleo sancto meo unxi eum

22 manus enim mea auxiliabitur ei et brachium meum confirmabit eum cum quo manus mea firma erit et brachium meum roborabit eum

23 nihil proficiet inimicus in eo et filius iniquitatis non adponet nocere eum non decipiet inimicus eum et filius iniquitatis non adfliget eum

24 et concidam a facie ipsius inimicos eius et odientes eum in fugam convertam sed concidam ante faciem eius hostes illius et qui eum oderunt percutiam

25 et veritas mea et misericordia mea cum ipso et in nomine meo exaltabitur cornu eius veritas autem mea et misericordia mea erit cum eo et in nomine meo exaltabitur cornu eius

26 et ponam in mari manum eius et in fluminibus dexteram eius et ponam in mari manum eius et in fluminibus dexteram eius

27 ipse invocabit me pater meus es tu Deus meus et susceptor salutis meae ipse vocabit me pater meus es tu Deus meus et fortitudo salutis meae

28 et ego primogenitum ponam illum excelsum prae regibus terrae ego autem primogenitum ponam eum excelsum regibus terrae

29 in aeternum servabo illi misericordiam meam et testamentum meum fidele ipsi in aeternum custodiam ei misericordiam meam et pactum meum fidele ei erit

30 et ponam in saeculum saeculi semen eius et thronum eius sicut dies caeli et ponam perpetuum semen eius et thronum eius sicut dies caeli

31 si dereliquerint filii eius legem meam et in iudiciis meis non ambulaverint si autem dereliquerint filii eius legem meam et in iudiciis meis non ambulaverint

32 si iustitias meas profanaverint et mandata mea non custodierint si caerimonias meas profanaverint et praecepta mea non custodierint

33 visitabo in virga iniquitates eorum et in verberibus peccata eorum visitabo in virga scelera eorum et in plagis iniquitatem eorum

34 misericordiam autem meam non dispergam ab eo neque nocebo in veritate mea misericordiam autem meam non auferam ab eo nec mentiar in veritate mea

35 neque profanabo testamentum meum et quae procedunt de labiis meis non faciam irrita non violabo pactum meum et quod egressum est de labiis meis non mutabo

36 semel iuravi in sancto meo si David mentiar semel iuravi in sancto meo ne David mentiar

37 semen eius in aeternum manebit semen eius in sempiternum erit

38 et thronus eius sicut sol in conspectu meo et sicut luna perfecta in aeternum et testis in caelo fidelis diapsalma et thronus eius sicut sol in conspectu meo sicut luna stabilietur in sempiternum et testis in caelo fidelis semper

39 tu vero reppulisti et despexisti distulisti christum tuum tu autem reppulisti et proiecisti iratus es adversum christum tuum

40 evertisti testamentum servi tui profanasti in terram sanctuarium eius adtenuasti pactum servi tui profanasti in terra diadema eius

41 destruxisti omnes sepes eius posuisti firmamenta eius formidinem dissipasti omnes macerias eius posuisti munitiones eius pavorem

42 diripuerunt eum omnes transeuntes viam factus est obprobrium vicinis suis diripuerunt eum omnes qui transeunt per viam factus est obprobrium vicinis suis

43 exaltasti dexteram deprimentium eum laetificasti omnes inimicos eius elevasti dexteram hostium eius laetificasti omnes inimicos illius

44 avertisti adiutorium gladii eius et non es auxiliatus ei in bello avertisti robur gladii eius et non sublevasti eum in proelio

45 destruxisti eum a mundatione sedem eius in terram conlisisti quiescere fecisti munditiam eius et thronum illius in terram detraxisti

46 minorasti dies temporis eius perfudisti eum confusione diapsalma adbreviasti dies adulescentiae eius operuisti eum ignominia sempiterna

47 usquequo Domine avertis in finem exardescet sicut ignis ira tua usquequo Domine absconderis in finem succendetur quasi ignis indignatio tua

48 memorare quae mea substantia numquid enim vane constituisti omnes filios hominum memento mei de profundo alioquin quare frustra creasti filios hominum

49 quis est homo qui vivet et non videbit mortem eruet animam suam de manu inferi diapsalma quis est vir qui vivat et non videat mortem salvans animam suam de manu inferi semper

50 ubi sunt misericordiae tuae antiquae Domine sicut iurasti David in veritate tua ubi sunt misericordiae tuae antiquae Domine quas iurasti David in veritate tua

51 memor esto Domine obprobrii servorum tuorum quod continui in sinu meo multarum gentium recordare Domine obprobrii servorum tuorum quia portavi in sinu meo omnes iniquitates populorum

52 quod exprobraverunt inimici tui Domine quod exprobraverunt commutationem christi tui quas exprobraverunt inimici tui Domine quibus exprobraverunt vestigia christi tui

53 benedictus Dominus in aeternum fiat fiat benedictus Dominus in sempiternum amen et amen